أصوات | إيلوس بيوري
"أصوات"هي أغنية الرابر الفلسطيني إيلي قوّاس "الوس بيوري" من ألبومه الجديد “المشهد ٢: من جوا”. وفي أغاني هذا الألبوم، تعاون إيلي مع رابرز آخرين مثل مسلّم وسايكدليك. تستضيف الأغنية الفنّان عبد الله عصفور، وهي من إنتاج م. بنانا بيل.
كلمات الأغنية
النفس قطعني، إيدي تضعف
كل الحبال شادة عرقبتي
كل الأصوات حادة ما بتغنيش
والأصوات البراسي بتقول لازم توقف
لما واقف تعبان واصرخ بنص هالبيت
تعال خد مني الأحزان وخلصني من هالليل
وزع عالزوايا والسواد شيل
من تحت عيوني
رياكشنز صار بقلوب
ايموشنز بس بلا وجوه
اصواتنا صارت لوب
بنفس الروتين معيود
نفس الحكي بنفس الاماكن نفس الشخوص
وكل ما لف وعاد بس بحس حالي مخنوق
وبحكي فبالي بكرا في فرص وفي تغيير
وعايش حالتي تحت مكابس كله بده مني الزيت
عايش مادد رجليك بفرشة كبيرة وغطا صغير
سجن بداخلي حابس غصة وللرب رجعني صغير
بس بحكيلك عن حالة كانت ممكن تصيب
إذا ما اخذتش الشعلة بإيدي وفيها مشيت
كلنا زي سنافر ليش ما نقتل شرشبيل
نضل بلا هدف عايشين
خايف تضيع، ادمان روتين
بشمعة وحدة بتضوي العتم
حيضل في شوية ليل بخيال لو ما صرت النجم
لولا هالاصوات تدفعني كان فقدت العزم
بتقدر تقترح بس ما بتقدر تحكيلي شو لازم
ترتيب اولويات
ما عمره كانله ايات
طريق جديد حفر لنفسه في ممرات
تمهيد نتؤات تعبيد مطبات
تقطيب جلود من صوت تقيه من برد ملوش سبات
اعرف وين طريقك كثير دروب في كثير قمم
بس تطلع جبل وتوصل اخره وتطلع مش الك
هاي الجنة ما بتوصلها مش زي جنة الذمم
النية بس امل والرك عليك لترفع الهمم
مش عشان عوجهه علامات سهر مش ظاهر
مش عشان ما بحكي كم مرة نلفله الظهر
مش عشان ما بحكيلك عن كم مرة نطعن بالخصر
يمكن وقع بهالحفر بس الفرق انه يسدها قدر
تطلع بهالعيون
احكيلي شو بتشوف
عيون حاكمة عليّ بالموت
من دون ما تعرف
كم كلف ساعات
ضحينا تضحيات
كم مشينا مسافات
مشينا مسافات
كم كلف ضربات
كم حلينا احجيات عشان نوصل هون
